Rett til trygt skolemiljø

Alle elevar har rett på eit trygt og godt skolemiljø, fritt for krenking, mobbing, vald, diskriminering, trakassering eller utestenging. 

Det er berre du som veit om du opplever skolen som trygg. Viss du føler deg utrygg eller ikkje trivst på skolen, har skolen plikt til å hjelpe. 

På www.nullmobbing.no finn du meir informasjon om rettigheitene til elevar og fordlre, og kva du kan gjere dersom du ikkje har det bra på skolen.

Dersom du synest det er vanskeleg å varsle, kan du kontakte elev- og lærlingombodet i Møre og Romsdal. 

Etter at du har meldt frå, skal skolen ta kontakt med deg og undersøke saka. Dersom undersøkinga viser at du/eleven ikkje får rettigheitene oppfylt, skal skolen lage ein aktivitetsplan med tiltak. Målet er at du får det trygt på skolen igjen. Dette er skolen sitt ansvar, men det er viktig at du forklarer kva du synest er vanskeleg og kva du trur vil hjelpe.

Du kan ikkje varsle anonymt fordi skolen må vite kven dei skal kontakt med for å få meir informasjon. Det er berre dei som skal følgje opp varselet som får tilgang på opplysningane. 

Viss du meiner skolen ikkje handterer saka di godt nok, kan du kontakte Statsforvaltaren i Møre og Romsdal. Det må gå minst ei veke frå du sa ifrå til rektor før du kontaktar Statsforvaltaren, med mindre det er spesielle grunnar til at du ønskjer å involvere Statsforvaltaren før.

• Skolen har plikt til å arbeide forebyggande for å fremme elevane si helse, skolemiljøet og tryggheita til elevane.
• Elevane har medansvar for skolemiljøet, og rett til å medverke i arbeidet med å skape eit godt skolemiljø.
• Alle som arbeider på skolen, skal følge med på skolemiljøet
• Alle som arbeider på skolen, skal gripe inn og stoppe krenking med ein gong, dersom det er mogleg
• Alle som arbeider på skolen, skal varsle med ein gong viss dei får mistanke om, eller kjennskap til, at elevar ikkje har eit trygt og godt skolemiljø
• Rektor er ansvarleg for at skolen undersøker kva som har skjedd og for at skolen lagar ein aktivitetsplan